მიხეილ სააკაშვილი - თუ ვინმეს „ქართული ოცნებიდან“ სურს, შემოუერთდეს ამ ახალ ერთობას, რომელიც იქნება ეროვნულ ფასეულობებზე დაფუძნებული, ჩვენ მათთვის კარი უნდა გავაღოთ

თუ ვინმეს „ქართული ოცნებიდან“, ცალკეულ ადამიანებს სურს შემოუერთდეს ამ ახალ ერთობას, რომელიც იქნება საერთო ქართულ, ეროვნულ ფასეულობებზე დაფუძნებული, ვისაც უყვარს საქართველო და უნდა საქართველოს დაეხმაროს, ჩვენ მათთვის კარი უნდა გავაღოთ, - ამის შესახებ ექსპრეზიდენტმა მიხეილ სააკაშვილმა განაცხადა.

მისივე თქმით, ქართველმა ხალხმა ხმა მისცა ოპოზიციას, ბიძინა ივანიშვილის წინააღმდეგ.

„მე არ მაინტერესებს არცერთი თანამდებობა, მათ შორის არც პრემიერ-მინისტრის თანამდებობა, მე მაინტერესებს ერთიანობა, ამ მძიმე კრიზისის დაძლევა. ჩვენ უნდა ვიპოვნოთ ის ფიგურები, საქართველოს ამ მთავრობისთვის, რომელიც ჩამოყალიბდება, ერთიანი ეროვნულობის მთავრობა იქნება, რომელიც მისაღები იქნება მთლიანად ქართველი ხალხისთვის, იქნება კომპეტენტური, ეფექტური, მე ყველას ადგილს ვხედავ უკლებლივ, ყველა პარტიის ადგილს ამ კოალიციაში. მათ შორის, მათ ადგილსაც, რომლებიც ადრე გვიპირისპირდებოდნენ, არ გვეთანხმებოდნენ. თუ ვინმეს „ქართული ოცნებიდან“, ცალკეულ ადამიანებს სურს შემოუერთდეს ამ ახალ ერთობას, რომელიც იქნება საერთო ქართულ, ეროვნულ ფასეულობებზე დაფუძნებული ერთობა, ვისაც უყვარს საქართველო და უნდა საქართველოს დაეხმაროს, ჩვენ მათთვის კარები უნდა გავაღოთ. პირველ რიგში, ეს ეხება იმ ყველა ოპოზიციურ პარტიას, რომელთაც ხმა ქართველმა ხალხმა ივანიშვილის წინააღდეგ მისცა და რომელთაც ხმების აბსოლუტური უმრავლესობა მოიპოვეს. ივანიშვილი გაფარჩაკებული, დამარცხებული და დატორტმანებულია, ახლა შეეცდება ყიდვას, მანიპულირებას, გაყალბებას. რაც მეტს შეეცდება, უფრო ცუდად წაუვა საქმე.

მე თავის დროზე მშვიდობიანად გადავეცი ხელისუფლება, მე ჩემი ცხოვრებით დავამტკიცე, რომ არასდროს ვაყენებდი ჩემს ხელისუფლებას ქართველ ერზე მაღლა, მასაც მოვუწოდებ, მიუხედავად პირადი ბოღმისა, შიშებისა, დაძლიოს, მიხვდეს, რომ ცხოვრება არ დაწყებულა და არ დამთავრებულა ხელისუფლებით. რაღაც მომენტში უნდა მიხვდე, რომ შენი ერი არის შენზე მაღლა. უნდა დაუთმოს ქართველ ერს, მისცეს საშუალება გააგრძელოს აღმშენებლობა, განვითარება. მათ წააგეს“, - განაცხადა სააკაშვილმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან