ვფიქრობ, რომ ხვალიდან და მეორე ტურის დასრულებამდე, პარლამენტის წინ მოედანი ოპოზიციის სათათბიროდ და საზოგადოების შეკრების ადგილად უნდა იქცეს, - ამის შესახებ „ნაციონალური მოძრაობის“ წევრი, სალომე სამადაშვილი სოციალურ ქსელში წერს.

როგორც სამადაშვილი აღნიშნავს, ხვალიდან ოპოზიციამ კოალიციური მთავრობის ფორმირებაზე უნდა დაიწყოს კონსულტაციები.

„დღეს ყველა ხმაა დასაცავი, ხვალიდან კი, ოპოზიციამ უნდა დაიწყოს კოალიციური მთავრობის ფორმირებაზე კონსულტაციები და მეორე ტურებისთვის მზადება. ვფიქრობ, რომ ხვალიდან და მეორე ტურის დასრულებამდე, პარლამენტის წინ მოედანი ოპოზიციის სათათბიროდ და საზოგადოების შეკრების ადგილად უნდა იქცეს, როგორც 20 ივნისის შემდეგ. როგორც გპირდებოდით, დღეს გავიმარჯვეთ. ახლა, ეს გამარჯვება გასაფორმებელია”, - წერს სალომე სამადაშვილი.