მამუკა მდინარაძე - უბნების უმრავლესობაზე ხმების დათვლის პროცესის განზრახ გაჭიანურება ხდებოდა, რის გამოც კომისიაში ოქმების ატვირთვა გვიანდება

„ნაციონალური მოძრაობა“ ცდილობს ის რევოლუციური სცენარი, რასაც ისინი თავის რიგებში აანონსებდნენ და ამის შესახებ ჩვენთან ინფორმაცია მოგვდიოდა, რამენაირად მოქმედებაში მოიყვანონ, მაგრამ დარწმუნებით შემიძლია გითხრათ, რომ დღეს სახელმწიფო შემდგარია და ტყუილზე დაფუძნებულ რაღაც მუხტის აწევას, ბუნებრივია, ადგილი ვერ ექნება, - ამის შესახებ „ქართული ოცნების“ ერთ-ერთმა ლიდერმა მამუკა მდინარაძემ განაცხადა.

მისივე თქმით, პარტიის ინფორმაციით, ამ დროისთვის „ქართული ოცნების“ საარჩევნო რეიტინგი 51%-ია.

„ჩვენ მოგვდის ადგილებიდან ინფორმაციები, რომელიც ითვლება დეტალურად. და დაახლოებით 51%-ია „ქართული ოცნების“ ამჟამინდელი საარჩევნო რეიტინგი, ანუ საარჩევნო შედეგი, ჩვენ საერთო ჯამში 3800-მდე უბნის მონაცემებს ველოდებით და დილით, როგორც ცესკოს ასევე ჩვენ სრული მონაცემი გვექნება, დღეს არ მგონია, რომ ეს მოვასწროთ იქიდან გამომდინარე, რომ უკვე გამთენიაა და ამასთან დაკავშირებით ალბათ დილამდე ბრიფინგები აღარ იქნება“, - განაცხადა მამუკა მდინარაძემ.

ამასთან მდინარაძემ აღნიშნა, რომ განზრახ ჭიანურდება ოქმების გადაცემა საოლქო კომისიისთვის და საოლქოდან ცესკოსთვის.

„მოვუწოდებ ყველა იმ ადამიანს, რომლებიც დაკავებული იყვნენ იმ გეგმის შესრულებით, რომელზეც ჩვენ ბოლო დღეებში ვსაუბრობდით, ერთადერთი ბოლო პუნქტი, რაც დარჩათ მათ განსახორციელებელი - არ გამოუვათ. ეს ბოლო პუნქტი გულისხმობს იმას, რომ უბნების უმრავლესობაზე ხდებოდა განზრახ გაჭიანურება ხმების დათვლის პროცესის, იყო პატარ-პატარა მიზეზებზე მოდავება, აქედან გამომდინარე გვიანდება კომისიაში ოქმების ატვირთვა“, - განაცხადა მდინარაძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო