ცესკო-ს შენობასთან შინაგან საქმეთა სამინისტროს საპატრულო პოლიციის დეპარტამენტის დირექტორი ვაჟა სირაძე მივიდა. როგორც სირაძემ შენობასთან შეკრებილებს განუმარტა, ცენტრალური საარჩევნო ადმინისტრაცია მოქალაქეების შენობაში შესვლას არ ზღუდავს.
„ცესკო არავის არ უზღუდავს შესვლას, მაგრამ განმარტეს, რომ თითოეულ პიროვნებაზე გადავცემთ სახელს და გვარს, თითოეული პარტია იქნება თუ პარტიის წარმომადგენელი არის შიგნით ცესკო-ში შესული, შესაბამისად, თუ შემდგომი პირი შევა, მოხდება მათი ჩანაცვლება. გადაწყვეტილებას მიიღებს ცესკო-ს წარმომადგენელი“, - განმარტა სირაძემ.
ცნობისთვის, ცესკოს შენობასთან ხმაურია. ადგილზე იმყოფება „ნაციონალური მოძრაობის“ მაჟორიტარი დეპუტატობის კანდიდატი ლევან ხაბეიშვილი და „ერთიანი ნაციონალური მოძრაობის“ წევრი, ზვიად კუპრავა. შეკრებილები ცესკო-ს შენობაში შესვლას ითხოვენ.