ცესკოს წინასწარი მონაცემებით, თბილისის მაჟორიტარულ ოლქებში „ქართული ოცნების“ კანდიდატები ლიდერობენ

თბილისის მაჟორიტარულ ოლქებში ცესკო-ს წინასწარი შედეგები ცნობილია.

1421 უბნის მიხედვით თბილისში, გლდანის მაჟორიტარულ ოლქში - „ქართული ოცნება დემოკრატიული საქართველოს“ მაჟორიტარი დეპუტატობის კანდიდატი ლევან კობიაშვილი - 43.98%-ით ლიდერობს; „ნაციონალური მოძრაობის“ კანდიდატს ნიკა მელიას ამომრჩეველთა ხმების 42.38% აქვს.

საბურთალოს ოლქში პირველადი მონაცემებით ყველაზე მეტი 46.18% „ქართული ოცნების“ კანდიდატს, დავით სერგეენკოს აქვს. რეიტინგით მეორე ადგილზეა „მოქალაქეების“ალეკო ელისაშვილი 17.75%-ით; ამ ოლქში „ლელოს“ კანდიდატს ბადრი ჯაფარიძეს 13.18%-იანი მხარდაჭერა აქვს.

სამგორის მაჟორიტარულ ოლქში „ქართული ოცნების“ კანდიდატი სოზარ სუბარი 46.55%-ით ლიდერობს, ხოლო „ნაციონალური მოძრაობის“ კანდიდატს, ლევან ხაბეიშვილს ხმების 38.33% აქვს.

ისნის მაჟორიტარულ ოლქში მმართველი გუნდის კანდიდატს კახა კახიშვილს, წინასწარი ინფორმაციით, ამომრჩეველთა 49.47%-ის მხარდაჭერა აქვს, „ნაციონალური მოძრაობის“ კანდიდატს, ხატია დეკანოიძეს 25.7%. „სტრატეგია აღმაშენებლის“ კანდიდატს გიორგი ვაშაძეს კი ხმების 13.52% აქვს.

დიდუბე-ჩუღურეთში „ქართული ოცნების“ მაჟორიტარობის კანდიდატი, გია ვოლსკი 43.28%-ით ლიდერობს. „გირჩის“ კანდიდატს ზურაბ ჯაფარიძეს 20.86%-იანი მხარდაჭერა აქვს, ხოლო დამოუკიდებელ დეპუტატს ანა დოლიძეს ხმების 20.13% აქვს.

ნაძალადევის საარჩევნო ოლქში „ქართული ოცნების“ კანდიდატს მიხეილ ყაველაშვილს 44.55% აქვს, გაერთიანებული ოპოზიციის კანდიდატს შალვა ნათელაშვილს 25.37%. „ლელოს“ კანდიდატს კი 8.17%.

მთაწმინდა-კრწანისის მაჟორიტარულ ოლქში „ქართული ოცნების“ კანდიდატი ბექა ოდიშარია 48.34%-ით ლიდერობს, გაერთიანებული ოპოზიციის კანდიდატს შალვა შავგულიძეს 27.02% აქვს.

რაც შეეხება ვაკის მაჟორიტარულ ოლქს, მმართველი გუნდის მაჟორიტარობის კანდიდატს ნოდარ ტურძელაძეს ხმების 42.31% აქვს, ხოლო გაერთიანებული ოპოზიციის კანდიდატს, ელენე ხოშტარიას 34.72%.

ცესკო-ს ინფორმაციით, სულ 3847 საარჩევნო უბნიდან მონაცემები დათვლილია 1421 უბნის მიხედვით.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს