ცენტრალური საარჩევნო კომისიის მიერ დათვლილი 15 უბნის მონაცემის მიხედვით, გლდანის ოლქში გაერთიანებული ოპოზიციის მაჟორიტარი დეპუტატობის კანდიდატი ნიკა მელია ლიდერობს, თუმცა მოსალოდნელია მეორე ტური.

აღნიშნულ უბნებზე ხმების დათვლის შედეგად, მელიას მხარს ამომრჩეველთა 44,77 % (4107 ამომრჩეველი) უჭერს, „ქართული ოცნების“ კანდიდატ ლევან კობიაშვილს კი 42,3 % (3881ხმა). შესაბამისად, აღნიშნულ ოლქში ამ დროის მონაცემებით შეიძლება იყოს მეორე ტური, ვინაიდან, არცერთი კანდიდატის მხარდაჭერა 50 %-ს არ აღემატება.

შეგახსენებთ, რომ ქვეყანაში სულ 3 847 საარჩევნო უბანი იყო გახსნილი.

იხილეთ ვიდეო: ამ ეტაპზე დათვლილი მონაცემების მიხედვით, გლდანში ნიკა მელია ლიდერობს, თუმცა მოსალოდნელია მეორე ტური