ცესკომ დიდუბე-ჩუღურეთში 104-ვე საარჩევნო უბნის ხმების დათვლა დაასრულა.ცენტრალური საარჩევნო კომისიის წინასწარი მონაცემებით, პირველ ადგილზე „ქართული ოცნების“ კანდიდატი გია ვოლსკი გავიდა, რომელსაც ამომრჩეველთა 42,76 %-მა დაუჭირა მხარი. ოპოზიციიდან მეორე ადგილს დამოუკიდებელი კანდიდატი ანა დოლიძე იკავებს, რომელზეც 20,99 %-იანი (14 438 ხმა) მოდის. დოლიძეს მხოლოდ 9 ხმით ჩამორჩება გაერთიანებული ოპოზიციის კანდიდატი ზურაბ-გირჩი ჯაფარიძე, რომელმაც 20,97 % (14 429 ) მიიღო.

დიდუბე-ჩუღურეთში, ისევე როგორც თბილისის დანარჩენ შვიდ ოლქში, 21 ნოემბერს არჩევნების მეორე ტური გაიმართება.