სერგი კაპანაძე - 8 ნოემბერს იქნება საერთო ეროვნული აქცია, ჩვენი მოთხოვნაა, ვადამდელი არჩევნების ჩატარება

„ევროპული საქართველოს“ ერთ-ერთი ლიდერის, სერგი კაპანაძის განცხადებით, 8 ნოემბერს დაანონსებული აქცია საერთო ეროვნული პროტესტი იქნება. როგორც კაპანაძემ „ინტერპრესნიუსთან“ საუბრისას აღნიშნა, აქციის მონაწილეების მთავარი მოთხოვნა ვადამდელი არჩევნების ჩატარება იქნება.

„ეს იქნება ყველა იმ ადამიანის აქცია, რომელიც უკმაყოფილოა ამომრჩეველზე მასშტაბური ზემოქმედების, გაყალბების და ძალადობის გამო, რაც თან ახლდა 31 ოქტომბრის არჩევნებს. ეს არ იქნება ცალკე აღებული რომელიმე პარტიის აქცია. ეს იქნება საერთო ეროვნული აქცია და მას არანაირი კავშირი არც ერთ პარტიასთან არ ექნება. ეს არის ხალხის უფლება, რომ გააპროტესტოს ის, რაც ხდება. ჩვენი მოთხოვნაა ვადამდელი არჩევნების ჩატარება იმ კონკრეტული წესების დაცვით, რომელიც ახლა იქნა დარღვეული და რაც მთავარია, არა იმ საარჩევნო ადმინისტრაციის პირობებში, რომელმაც ახლა ეს ყველაფერი გააკეთა, ეს არის მოთხოვნა“, - განაცხადა კაპანაძემ.

ცნობისთვის, ოპოზიციური პარტიების წარმომადგენლებმა, კვირას, 8 ნოემბერს, 15:00 საათზე, მასშტაბური აქცია დაანონსეს.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს