იაპონიის ნარიტას საერთაშორისო აეროპორტში კორონავირუსზე ტესტის ჩასატარებელი ცენტრი გაიხსნა, - ამის შესახებ ინფორმაციას Reuters-ი ავრცელებს.

სააგენტოს ცნობით, ცენტრის მიზანი იმ მგზავრების შემოწმებაა, რომლებსაც თავიანთ დანიშნულების ადგილებზე ჩასვლამდე კორონავირუსის ტესტის პასუხი სჭირდებათ.

ტესტის პასუხის მიღება 6 საათშია შესაძლებელი, თუმცა, თვის ბოლოსთვის, ამ დროის 2 საათამდე შემცირება იგეგმება.

პროცედურის საფასურს დაზღვევა არ ფარავს და ტესტის ასაღებად მგზავრებს, შესაძლოა, 46 500 იაპონური იენის (444 აშშ დოლარი) გადახდა მოუწიოთ.

აღსანიშნავია, რომ იაპონიაში ჩასული მგზავრებისთვის კორონავირუსზე ტესტის გავლა აუცილებელია. აღნიშნული პროცედურა ქვეყნის სამ საერთაშორისო აეროპორტშია ხელმისაწვდომი.

ბოლო მონაცემებით, იაპონიაში, საერთო ჯამში, კორონავირუსის 100 000-მდე შემთხვევაა დადასტურებული, აქედან 1 773 ადამიანი დაიღუპა.