გიგი უგულავა - ამ გაყალბებულ პარლამენტში შესვლა ნიშნავს პირდაპირ „ქართულ ოცნებაში“ შესვლას

სრულიად ცალსახაა ერთი რამ, რომ დღეს ამ გაყალბებულ პარლამენტში შესვლა ნიშნავს პირდაპირ „ქართულ ოცნებაში“ შესვლას, - ამის შესახებ „ევროპული საქართველოს“ ერთ-ერთმა ლიდერმა გიგი უგულავამ პარტიის ოფისში გამართულ საგანგებო ბრიფინგზე განაცხადა.

მისი თქმით, პარტია სრულ ბოიკოტს უცხადებს მეათე მოწვევის პარლამენტს და ითხოვს რიგგარეშე, სამართლიანი და თავისუფალი არჩევნების ჩატარებას. უგულავამ იმედი გამოთქვა, რომ ხელისუფლება ერთხელ მაინც მიიღებს სახელმწიფოებრივ გადაწყვეტილებას და ქვეყნისა და ხალხის მიმართ პატივისცემას გამოიჩენს.

„ევროპული საქართველოს“ გადაწყვეტილება არის, სრული ბოიკოტი გამოუცხადოს ამ პარლამენტს. არც ერთი ჩვენგანი არ მიიღებს იმ გადმოგდებულ მანდატებს იმიტომ, რომ ეს პარლამენტი არ ასახავს ქართველი ხალხის ნებას. შესაბამისად, „ქართულ ოცნებას“ აქვს ორი არჩევანი - პირველი და მთავარი, რასაც ვითხოვთ, ეს არის პატიოსანი და თავისუფალი რიგგარეშე არჩევნები, სხვა შემთხვევაში, საქართველოს მეათე მოწვევის პარლამენტი დაემსგავსება პირდაპირ ბიძინა ივანიშვილის „ჯამახერიას“ და ის მაინც ძალიან მალე ჩამოიშლება თავისი არალეგიტიმურობის გამო, თავისი აბსურდულობის გამო. ამიტომ სჯობს, „ქართულმა ოცნებამ“ პირველი არჩევანი გააკეთოს. ქვეყანას სჭირდება რეალური ცვლილებები, ამ არჩევნებზე გამოჩნდა საზოგადოების გულისწადილი, რომ სჭირდება თავისუფალი არჩევნები, შესაბამისად, ან იქნება რიგგარეშე არჩევნები ან ეს „ჯამახერია“ მალე ჩამოიშლება. ერთხელ მაინც გამოიჩინოს „ქართულმა ოცნებამ“ სახელმწიფოებრივი აზროვნება და გამოიჩინოს საკუთარი ქვეყნისა და ხალხის მიმართ პატივისცემა. მან უნდა გადადგას ეს ნაბიჯი, ამიტომ აქციები გაგრძელდება და კვირას 15:00 საათზე დიდ აქციაზე, მანიფესტაციაზე გიწვევთ ყველას, რომ დაანახოთ რეალურად ქართველი ხალხის ნება და არა ის იუმორინა, რომელიც მოაწყო ბიძინა ივანიშვილმა და რომელსაც დაარქვა თავისუფალი არჩევნები,“- განაცხადა უგულავამ.

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა