ჩატარებული არჩევნები ლეგიტიმური არაა და არალეგიტიმურ პარლამენტში შესვლა, ყალბი სურათის შექმნა იქნება. პარლამენტს სრულ ბოიკოტს ვუცხადებთ, - ამის შესახებ „ევროპული საქართველოს“ მთაწმინდისა და კრწანისის მაჟორიტარობის კანდიდატმა, შალვა შავგულიძემ განაცხადა.

მისივე თქმით, ეს არჩევნები, არც სამართლიანად ჩატარებულა და არც თავისუფალი შეიძლება ეწოდოს.

„შესაბამისად, ასე ჩატარებული არჩევნები ლეგიტიმური არაა და არალეგიტიმურ პარლამენტში შესვლა და მასში მონაწილეობა ეს იქნება, რაღაც მცდელობა, ლეგიტიმაციის ყალბი სურათის შექმნის. რასაც, რა თქმა უნდა, არ ვაპირებთ და ამ პარლამენტს სრულ ბოიკოტს ვუცხადებთ! რაც შეეხება მეორე ტურს, ამ ხელისუფლების ჩატარებული პირველი ტური ვნახეთ, როგორიცაა და ამავე ხელისუფლების მიერ მეორე ტურის ჩატარება, ლეგიტიმურობის სურათის შექმნა იქნება და არც ამას არ ვაპირებთ. პარლამენტი ერთი ადამიანის მიერ შექმნილი თავყრილობა იქნება, რომელსაც არანაირი წონა არ ექნება,“ - განაცხადა შავგულიძემ.