ირანში, ბოლო 24 საათის განმავლობაში, კორონავირუსის 8 289 ახალი შემთხვევა გამოვლინდა და ინფიცირებულთა საერთო რაოდენობა 628 780-მდე გაიზარდა, - შესაბამის მონაცემებს ირანის ჯანდაცვის სამინისტრო ავრცელებს.

ამავე მონაცემების თანახმად, ქვეყანაში ვირუსს კიდევ 440 ადამიანი გარდაიცვალა და დაღუპულთა რიცხვმა 35 738-ს მიაღწია.

ცნობისათვის, კორონავირუსის გავრცელების შეჩერების მიზნით, ოქტომბრის დასაწყისიდან ირანის უმეტეს ნაწილში სკოლები, მეჩეთები, მაღაზიები და რესტორნები დაიხურა. დღეიდან კი ქვეყნის 25 ქალაქში, მათ შორის დედაქალაქ თეირანში, შესვლა და გამოსვლა აიკრძალა. ადგილობრივი მედიის ინფორმაციით, ქვეყნის ხელისუფლებამ დედაქალაქში, შესაძლოა, ორკვირიანი კარანტინი დააწესოს.