„ნაციონალური მოძრაობის“ სამგორის მაჟორიტარი დეპუტატობის კანდიდატმა, ლევან ხაბეიშვილმა სამგორის საოლქო საარჩევნო კომისიაში საარჩევნო ოქმებში არსებული დარღვევების შესახებ საჩივარი შეიტანა და კომისიის თავმჯდომარესთან შეხვედრას ითხოვს.
ხაბეიშვილის თქმით, არჩევნები გაყალბებულია და 5000-მდე ხმა დაკარგულია.
„ეს ოქმები უნდა ვაჩვენო და ვკითხო, ამის საფუძველზე გადაწყვეტილება როგორ მიიღო? ამ ნადღაბნზე, ამ სისულელეზე გადაწყვეტილება როგორ მიიღო? საერთაშორისო დამკვირვებლებს ინფორმაცია უნდა უნდა ჰქონდეთ. მეტად როგორ დავამტკიცო, აგერ მაქვს ოქმები. მათი ატვირთულია ეს ოქმები, მე ხომ არ შევავსე? ეს არის ცესკო-ს საიტზე გამოქვეყნებული ოფიციალური ოქმები და აქ წერია ეს ნაგავი. მინიმუმ 5000 - მდე ხმა არის დაკარგული. წარმოუდგენელ გაყალბებასთან გვქონდა საქმე. ამ საჩივრებს ვაკეთებ მარტივი რაღაცის გამო, პირველი, რომ საერთაშორისო საზოგადოებას ჰქონდეს ინფორმაცია, მეორე - საზოგადოებას ჰქონდეს ინფორმაცია და მესამე - ეს ხალხი არჩევნებთან აღარასდროს არ უნდა გავაკაროთ, მაქსიმუმ დავუტოვოთ ხმის მიცემის უფლება, რაც აქვთ კონსტიტუციით გარანტირებული“, - განაცხადა ხაბეიშვილმა.