"გირჩი" პარლამენტში შესვლაზე უარს აცხადებს

"გირჩი" საქართველოს ახალი მოწვევის პარლამენტში შესვლაზე უარს აცხადებს. შესაბამისი განცხადება "გირჩის" ლიდერმა ზურაბ ჯაფარიძემ გააკეთა.

მისივე თქმით, ბოიკოტის შემთხვევაში მეორე ტურში მონაწილეობას აზრი არ აქვს. შესაბამისად, არ მიიღებს მონაწილეობას.

„ჩვენი გადმოსახედიდან, ამ ხელისუფლებას რესურსი აქვს ამოწურული, იმის რომ ამ ქვეყანაში რამე შეცვალოს. ამიტომ ჩვენ თვეების განმავლობაში ვთანამშრომლობდით ოპოზიციურ პარტიებთან, რომ მიგვეღწია კონკრეტული შეთანხმებები, იმ საკითხებთან მიმართებით, რომელიც არის მნიშვნელოვანი. ჩვენ ახლაც, მიუხედავად იმისა, რომ ძალიან კარგად გვესმის, რამდენად მნიშვნელოვანია პარლამენტში შესვლა „გირჩისთვის“ და საპარლამენტო პარტიის სტატუსის მიღება. ჩვენი სლოგანი წინასაარჩევნოდ იყო „გირჩი“ პარლამენტში“, ასევე ძალიან კარგად გვესმის რამდენად მნიშვნელოვანია ოპოზიციური ერთიანობა. „გირჩიც“ უერთდება პარლამენტში შესვლის ბოიკოტს. ბოიკოტის შემთხვევაში არც მეორე ტურს არ აქვს აზრი“, - განაცხადა ზურაბ ჯაფარიძემ.

ცნობისთვის, ცენტრალური საარჩევნო კომისიის წინასწარი მონაცემებით, არჩევნებში „გირჩმა“ ხმების 2.89%-ი მიიღო და მე-10 მოწვევის პარლამენტში 3 მანდატის შეყვანას შეძლებს, ამასთან მას თავისუფალი მანდატების გადანაწილების შედეგად კიდევ ერთი დეპუტატის შეყვანა შეეძლება.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის