ნიკა მელია გუბაზ სანიკიძეს - ბიძინას თამაშს თამაშობ შენ, უნამუსო შენა, ამხელა კაცი ხარ, სად რა უნდა თქვა, პირველ რიგში, ეს უნდა იცოდე

„ნაციონალური მოძრაობის“ ერთ-ერთი ლიდერი ნიკა მელია და გუბაზ სანიკიძე „მთავარი არხის“ პირდაპირ ეთერში ერთმანეთს დაუპირისპირდნენ.

დაპირისპირება საქართველოს მესამე პრეზიდენტთან, მიხეილ სააკაშვილთან დაკავშირებით, გაკეთებულ განცხადებას მოჰყვა. გუბაზ სანიკიძემ თქვა, რომ ბიძინა ივანიშვილს არცერთი მათგანის არ ეშინია და დადგა, დრო რომ სააკაშვილი ჩამოვიდეს.

"ოპოზიციამ ორიანზე ჩავატარეთ არჩევნები, შვიდი შტაბი გვქონდა, ერთმანეთისგან დამოუკიდებლად, როცა შეგვეძლო ერთი დიდი შტაბი გვქონოდა. არ დაიჯეროთ, არცერთი ჩვენთაგანის არ ეშინია ბიძინას. სამჯერ მეტი რომ დავჯდეთ, არცერთი ჩვენის, ჩემი ჩათვლით არ ეშინია. დგას ერთი დიდი კითხვის ნიშანი, ვისი ეშინია ბიძინა ივანიშვილს? - ბიძინა ივანიშვილს დედამიწაზე ერთი კაცის ეშინია, ეს არის მიხეილ სააკაშვილი. არ დადგა დრო, რომ ჩამოვიდეს სააკაშვილი და ჩაერთოს ამ საქმეში?“,- განაცხადა სანიკიძემ.

აღნიშნულზე ნიკა მელიამ სანიკიძეს უპასუხა, რომ მას ოპოზიციაში ხინჯი შეაქვს.

„თქვენი არ ეშინია ბიძინას რაა“,- მიმართა გუბაზ სანიკიძემ ნიკა მელიას, რასაც ნიკა მელიას მხრიდან რეპლიკა მოჰყვა: „მართლა მოგზავნილი ხომ არა ხარ, რა გინდა რა, რას ემსახურება ეს?“.

„ვის უნახიხარ ბრძოლის ველზე, გამოდიხარ და მორალს კითხულობ“,- აღნიშნა მელიამ, ამის პასუხად კი გუბაზ სანიკიძემ განაცხადა: „შენ რა იცი ბრძოლის ველი რა არის, რამ დაგაკომპლექსათ ამ მიშა სააკაშვილმა, რა გეშინიათ სულყველას“.

ამის შემდეგ ნიკა მელიამ სანიკიძეს უთხრა, რომ მასთან საუბარი არ უნდა, რადგან „იქცევა, როგორც პროვოკატორი".

"რამ გამოიწვია განერვიულება, რა ვთქვი, რომ სააკაშვილი დროა, რომ ჩამოვიდეს საქართველოში, ბიძინა ივანიშვილს ვერ ვერევით. ერთობა რატომ იშლება მიხეილ სააკაშვილის ჩამოსვლით, ეს მითხარით რაა",- დასძინა სანიკიძემ.

„გუშინ სად იომე, რომელ უბანთან იდექი, რომელი მუშტი მოგხვდა, რომელი ხმა დაიცავი, რა გააკეთე“, - მიმართა ნიკა მელიამ გუბაზ სანიკიძეს, რაზეც სანიკიძემ მელიას უპასუხა: "მთელი დღე ოფისიდან არ გამოსულხარ“.

„ბიძინას თამაშს თამაშობ შენ, უნამუსო შენა, ამხელა კაცი ხარ, სად რა უნდა თქვა პირველ რიგში ეს უნდა იცოდე... ხან ბიძინას აქებ, ხან მიშას აქებ, ხან პეტრე შეაქე, მიშაზე მეტი მიშისტი ხარ და ჩვენ ვართ ამ ქვეყნის მტრები? წადი, შვილო სახლში, დაიძინე, ჭამე “,- მიმართა მელიამ სანიკიძეს, რაზეც გუბაზ სანიკიძემ უპასუხა, „გაასწორე ლაპარაკი, შვილო მოიკითხე, მართლა შენ...“.

საბოლოოდ ნიკა მელია და გუბაზ სანიკიძე სტუდიიდან გავიდნენ.

იხილეთ ვიდეო: ნიკა მელია გუბაზ სანიკიძეს პირდაპირ ეთერში სიტყვიერად და ფიზიკურად დაუპირისპირდა

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება