დღეს შიიტი მუსლიმები ალაჰის უკანასკნელი მოციქულის, წინასწარმეტყველ მუჰამადის ქვეყნად მოვლენის დღეს ზეიმობენ. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
მათი ცნობით, ტრადიციული მუსლიმური ბიოგრაფების მიხედვით, მუჰამადი დაახლოებით, 570 წელს მექაში დაიბადა და 632 წლის 8 ივნისს მედინაში, თანამედროვე საუდის არაბეთის ჰიჯაზის რეგიონში გარდაიცვალა.
რელიგიის სააგენტოს ინფორმაციით, დღეს, ასევე, იმამ ჯაფარ ას-სადიკის - წინასწარმეტყველ მუჰამადის შთამომავლის, ღვთისმეტყველის, ქვეყნად მოვლენის დღე აღინიშნება.
რელიგიის საკითხთა სახელმწიფო სააგენტო ულოცავს მათ დღესასწაულს, მშვიდობასა და კეთილდღეობას უსურვებს.