ჯანდაცვის მინისტრის ეკატერინე ტიკარაძის განცხადებით, მას შემდეგ რაც პრემიერ-მინისტრს და მთავრობის ადმინისტრაციის უფროსს კორონავირუსი დაუდასტურდათ, ეპიდემიოლოგებმა ჩაატარეს დეტალური მოკვლევა და არსებობს კონკრეტული სია, რომელიც მიხედვით მოხდება ვირუსზე თანამშრომელთა ტესტირება.
„ჩვენ ვხელმძღვანელობთ იმ პროტოკოლით რომელიც დადგენილია სკოლებისთვის, უნივერსიტეტებისთვის და სხვა სამსახურებისთვის. რა თქმა უნდა, ეპიდემიოლოგებმა ჩაატარეს დეტალური მოკვლევა კონტაქტებთან მიმართებაში, ასევე ყველა თანამშრომელს მიეცა მითითება თუ ვინ უნდა გადასულიყო იზოლაციაში. არსებობს კონკრეტული სია, რომლის მიხედვით გეგმიურად მოხდება ყველა პერსონალის გატესტვა,“- განაცხადა ტიკარაძემ.