სცენარი, რა შეიძლება ოპოზიციამ გააკეთოს, ეს არის დესტრუქცია, - ამის შესახებ პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა პარტია „ქართული ოცნება - დემოკრატიული საქართველოს“ ცენტრალურ ოფისში გამართულ ბრიფინგზე განაცხადა.

როგორც ოხანაშვილმა აღნიშნა, ის არ გამორიცხავს რაიმეს დაგეგმვას ოპოზიციის მხრიდან.

„მე არ ვიცი, არ ვარ სამართალდამცავი ორგანოს წარმომადგენელი, როგორც ჩანს, თქვენც არ გამორიცხავთ, რომ შესაძლებელია რაიმე იგეგმებოდა. ამ ოპოზიციურ ჯგუფებს და განსაკუთრებით „ნაციონალურ მოძრაობას“ ხელისუფლებაში მოსვლის არანაირი დემოკრატიული მექანიზმი ხელში არ აქვს, არ აქვს ხალხის ნდობა იმ ოდენობით, რომ იყოს ხელისუფლებაში. ისინი ამას ვერ ეგუებიან. ამიტომ სცენარი, რა შეიძლება მათ გააკეთონ, ეს არის დესტრუქცია. მე არ გამოვრიცხავ, რაიმეს დაგეგმვას, თუმცა, ვერ დავადასტურებ, არ მაქვს ეს ინფორმაცია და ვერ შევდივარ ამ ინფორმაციის შეფასებაში, ვინაიდან არ მაქვს წვდომა ისეთ ინფორმაციაზე, რაც შეიძლება ჰქონდეს საგამოძიებო ორგანოს“, - განაცხადა ანრი ოხანაშვილმა.

იხილეთ ვიდეო: სცენარი, რა შეიძლება მათ გააკეთონ, ეს არის დესტრუქცია - ანრი ოხანაშვილი ოპოზიციაზე