სებასტიან კურცი - ეს არ არის ბრძოლა ქრისტიანებსა და მუსლიმებს შორის, ეს არის ბრძოლა ცივილიზაციას და ბარბაროსობას შორის

ეს იყო თავდასხმა ჩვენს თავისუფალ საზოგადოებაზე, მაგრამ ჩვენს ღირებულებებს დავიცავთ, - ამის შესახებ ავსტრიის კანცლერმა, სებასტიან კურცმა დღეს განაცხადა, როდესაც ქვეყნის მოსახლეობას მიმართა.

„მტერს – ისლამისტურ ტერორს - ჩვენი საზოგადოების გახლეჩა სურს, მაგრამ ჩვენ ამ სიძულვილს გასაქანს არ მივცემთ. ეს არ არის ბრძოლა ქრისტიანებსა და მუსლიმებს, ან ავსტრიელებსა და მიგრანტებს შორის, ესაა ბრძოლა ცივილიზაციას და ბარბაროსობას შორის“, – განაცხადა სებასტიან კურცმა.

მისივე თქმით, ავსტრიის რესპუბლიკა და მისი ხალხი სასტიკი ტერორისტული თავდასხმის სამიზნე გახდნენ.

შეგახსენებთ, ავსტრიის დედაქალაქ ვენაში გუშინ განხორციელებული თავდასხმის შედეგად გარდაცვლილია ოთხი მშვიდობიანი მოქალაქე – ორი ქალი და ორი მამაკაცი. ქვეყნის შინაგან საქმეთა მინისტრმა კარლ ნეჰამერმა დღეს დილით გამართულ პრესკონფერენციაზე განაცხადა, რომ მომხდარი თავდასხმა სულ მცირე ერთმა ისლამისტმა ტერორისტმა განახორციელა. მისივე თქმით, პოლიციამ მძიმედ შეიარაღებული თავდამსხმელის ლიკვიდაცია განახორციელა, რომელიც ექსტრემისტული დაჯგუფება „ისლამური სახელმწიფოს“ მომხრე იყო. მედიის ინფორმაციით, დაშავებული 15 ადამიანიდან 7-ის მდგომარეობა მძიმეა.

იხილეთ ვიდეო: სებასტიან კურცი - ეს არ არის ბრძოლა ქრისტიანებსა და მუსლიმებს შორის, ეს არის ბრძოლა ცივილიზაციას და ბარბაროსობას შორის

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს