აზერბაიჯანში ბოლო 24 საათის განმავლობაში კორონავირუსის 1 242 ახალი შემთხვევა დაფიქსირდა, - აღნიშნულ ინფორმაციას აზერბაიჯანის ჯანდაცვის სამინისტრო ავრცელებს.
მათივე ინფორმაციით, ქვეყანაში ვირუსისგან გამოჯანმრთელებულთა რაოდენობა 551-ით გაიზარდა, 15 პაციენტი კი - გარდაიცვალა.
პანდემიის დაწყებიდან დღემდე, აზერბაიჯანში კოვიდ 19-ის 58 282 შემთხვევაა გამოვლენილი. ვირუსით გარდაიცვალა 768 ადამიანი. აქტიური შემთხვევების რაოდენობა კი ამჟამად 12 484-ს შეადგენს.