ცენტრალურ საარჩევნო კომისიასთან ოპოზიციის წარმომადგენლების აქცია დასრულდა. აქციის მონაწილეებმა თავისუფლების მოედნის მიმართულებით კვლავ საავტომობილო მსვლელობით გადაინაცვლეს, თავისუფლების მოედანზე საყვირებით რამდენიმე წრის დარტყმის შემდეგ კი საპროტესტო მსვლელობა დაასრულეს.

ცნობისთვის „გაერთიანებული ოპოზიციის“ მხარდამჭერები და წევრები ცენტრალურ საარჩევნო კომისიასთან დაახლოებით 2 საათისთვის შეიკრიბნენ. მათ ცესკო-ს თავმჯდომარის გადადგომა და რიგგარეშე საპარლამენტო არჩევნების ჩატარება მოითხოვეს.