ვენაში მომხდარი ტერაქტისას ერთ-ერთი გარდაცვლილი ქალი გერმანიის მოქალაქეა. ამის შესახებ გერმანიის საგარეო საქმეთამინისტრმა ჰაიკო მაასმა განაცხადა.

„ახლა გვაქვს სამწუხარო დადასტურება, რომ გერმანიის მოქალაქე ასევე არის თავდასხმის მსხვერპლი ვენაში“, - წერს მინისტრი „ტვიტერის“ პირად გვერდზე, რომელიც მომხდარის გამო გარდაცვლილის ახლობლებს უსამძიმრებს.

„ჩვენ ვიზიარებთ მწუხარებას მსხვერპლის გამო ვენის მცხოვრებლებთან და მთელ ავსტრიასთან ერთად, ასევე განზრახვას, მთელი ძალებით წინ აღვუდგეთ ფანატიზმსა და ტერორს. ახლა ჩვენ აშკარად უნდა ვაჩვენოთ დამნაშავეებს: თქვენ ვერასოდეს მიაღწევთ მიზანს - ჩვენი საზოგადოების დაყოფას“, - განაცხადა ჰაიკო მაასმა.