თურქეთში 30 ოქტომბერს მომხდარი მიწისძვრის შედეგად გარდაცვლილთა რაოდენობა 110-მდე გაიზარდა. ინფორმაციას ადგილობრივი მედია ხელისუფლებაზე დაყრდნობით ავრცელებს.

მათივე ინფორმაციით, მკურნალობა უტარდება 144 დაზარალებულს, ხოლო 900-მდე დაშავებული უკვე გაწერეს საავადმყოფოებიდან.

ამასთან, ცნობილი გახდა, რომ იზმირში, სადაც მიწისძვრის შედეგად რამდენიმე საცხოვრებელი სახლი დაინგრა, 9 ადამიანი დააკავეს, რომლებიც აღნიშნული სახლების მშენებლობასთან არიან დაკავშირებული.