ვაშინგტონში, თეთრ სახლთან ანტირასისტულმა მოძრაობამ „შავკანიანის სიცოცხლე მნიშვნელოვანია“ საპროტესტო აქცია გამართა. დემონსტრაციაში მონაწილეობა ასობით ადამიანმა მიიღო. აქტივისტები დონალდ ტრამპს რასიზმში სდებდნენ ბრალს და აცხადებდნენ, რომ მისი გამარჯვების შემთხვევაში აშშ-ში რასობრივი დისკრიმინაცია კიდევ უფრო გაძლიერდება.

პარალელურად, ვაშინტონში აქცია გამართეს ტრამპის მხარდამჭერებმაც.

პოლიციელებმა თეთრი სახლის წინ ბარიკადები აღმართეს და აქტივისტებს თეთრ სახლთან მიახლოების უფლება არ მისცეს, რა დროსაც მათ შორის დაპირისპირება მოხდა. სამართალდამცავებმა 3 დემონსტრანტი დააკავეს.