ირანის პრეზიდენტი ჰასან რუჰანი აცხადებს, რომ მისი ქვეყნისთვის არა აშშ-ში ჩატარებული არჩევნების შედეგებია მნიშვნელოვანი, არამედ ის, რომ ამერიკის მომავალმა პრეზიდენტმა საერთაშორისო ხელშეკრულებები და კანონები დაიცვას, - ამის შესახებ ინფორმაციას Reuters-ი ავრცელებს.

„თეირანისთვის მნიშვნელოვანია არა ის, თუ ვინ გაიმარჯვებს შეერთებული შტატების არჩევნებში, არამედ ის, თუ როგორი იქნება აშშ-ის მომავალი ადმინისტრაციის პოლიტიკა,“- განაცხადა ირანის პრეზიდენტმა ქვეყნის მინისტრთა კაბინეტის წევრებთან შეხვედრის დროს.