სერგი კაპანაძე ოპოზიციის შანტაჟად აფასებს გამოკითხვის ჩატარებას საკითხზე, უნდა შეუწყდეს თუ არა სახელმწიფო დაფინანსება პარტიებს, რომლებიც პარლამენტში შესვლაზე უარს ამბობენ

„ევროპული საქართველოს“ საარჩევნო შტაბის ხელმძღვანელი, სერგი კაპანაძე ოპოზიციის შანტაჟად მიიჩნევს გამოკითხვის ჩატარებას საკითხზე, უნდა შეუწყდეს თუ არა იმ პოლიტიკურ პარტიებს სახელმწიფო დაფინანსება, რომლებიც პარლამენტში შესვლაზე უარს ამბობენ.

როგორც კაპანაძემ აღნიშნა, სახელმწიფო დაფინანსების შეწყვეტა გავლენას ვერ მოახდენს პარლამენტში შესვლასთან დაკავშრებით ოპოზიციური პარტიების გადაწყვეტილებაზე.

„ამ თემაზე ივანიშვილმა გასცა დავალება, რომ მისმა პროპაგანდისტულმა მედიასაშუალებებმა და მისმა დაქირავებულმა ექსპერტებმა ეს თემა აწიონ იმისთვის, რომ გარკვეული შანტაჟი მოუწყონ პოლიტიკურ პარტიებს, რომლებიც არ შედიან პარლამენტში. მას ჰგონია, რომ ასე დააშანტაჟებს პოლიტიკურ პარტიებს. ივანიშვილს ჰგონია, რომ ეტყვის პოლიტიკურ პარტიებს, თუ არ შეხვალთ პარლამენტში, მაშინ შეგიწყდებათ დაფინანსებაო, პარტიები გადაიფიქრებენ და შევლენ პარლამენტში და დათანხმდებიან არჩევნების გაყალბებას. გასაგებია ასე რატომ ფიქრობს - იმიტომ, რომ ასეა მენტალურად მოწყობილი თვითონ, მას ჰგონია, რომ შანტაჟი ყოველთვის მუშაობს. ასე იშოვა თავის დროზე ფული, ასე მართავს თავის პარტიას და ასე უნდა რომ მართოს ოპოზიციური პარტიები, მაგრამ ეს არ გამოუვა. ივანიშვილს თუ უნდა, რომ შეუწყვიტოს პოლიტიკური პარტიების დაფინანსება, ეს შეუძლია გააკეთოს, ოღონდ შანტაჟით თუ დაგველაპარაკება, ბუნებრივია, ვერანაირ შედეგს ვერ მიაღწევს. მისი გადასაწყვეტია, მას აქვს ახლა ერთპარტიული, თურქმენბაშის ტიპის პარლამენტი და რაც უნდა, ის გააკეთოს. შეუძლია პარტიების დაფინანსება შეწყვიტოს, შეუძლია დაიჭიროს პოლიტიკური პარტიების ლიდერები. ამის შესაძლებლობები ისედაც ჰქონდა ყოველთვის. იმსახურებენ თუ არა პოლიტიკური პარტიები სახელმწიფო დაფინანსებას - ამ დისკუსიაში არ ვაპირებ მასთან შეყოლას. როგორც გადაწყვეტს, ისე გააკეთოს, ჩვენს გადაწყვეტილებაზე ეს რაღაც ფინანსური ნაწილი ვერანაირ გავლენას ვერ მოახდენს“, - განაცხადა სერგი კაპანაძემ.

ცნობისთვის, ტელეკომპანია „იმედმა“ გუშინ აღნიშნულ თემაზე გამოკითხვა ჩაატარა. ინტერაქტივის შეკითხვა იყო - უნდა შეუწყდეს თუ არა იმ პოლიტიკურ პარტიებს სახელმწიფო დაფინანსება, რომლებიც პარლამენტში შესვლაზე უარს ამბობენ.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 26.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება