ერთი პარტიით დაკომპლექტებული პარლამენტი არ ვარგა, -ამის შესახებ „ქართული ოცნების“ აღმასრულებელმა მდივანმა ირაკლი კობახიძემ ჟურნალისტებს განუცხადა.
კითხვაზე, შეუქმნის თუ არა „ქართულ ოცნებას“ დისკომფორტს ერთპარტიული საკანონმდებლო ორგანო და როგორ წარმოჩინდება ეს საერთაშორისო ასპარეზზე, კობახიძემ უპასუხა, რომ დარწმუნებულია, პარლამენტი ერთი პარტიით არ დაკომპლექტდება.
„ერთი პარტით დაკომპლექტებული პარლამენტი არ ვარგა და ჩვენ დიდი იმედი გვაქვს, უკვე დარწმუნებული ვართ, რომ ეს ასე არ იქნება“, -განაცხადა კობახიძემ.
დღეს “ქართული ოცნება - დემოკრატიული საქართველოს“ ლიდერები ეუთო/ ოდირის სადამკვირვებლო მისიის წარმომადგენლებს შეხვდნენ. დღევანდელი შეხვედრა საპარლამენტო არჩევნების შედეგებს შეეხო.