ტურიზმის ეროვნულმა ადმინისტრაციამ საერთაშორისო კონგრესებისა და კონვენციების ასოციაციის ონლაინ ღონისძიებაში მიიღო მონაწილეობა

ეკონომიკისა და მდგრადი განვითარების სამინისტროს ტურიზმის ეროვნულმა ადმინისტრაციამ ტაივანში გამართულ საერთაშორისო კონგრესებისა და კონვენციების ასოციაციის „ICCA“ 59-ე ონლაინ კონგრესში მიიღო მონაწილეობა.

როგორც „ინტერპრესნიუსს“ ტურიზმის ეროვნული ადმინისტრაციიდან აცნობეს, საქმიანი ტურიზმის მიმართულებით მსოფლიოში ერთ-ერთი წამყვან ღონისძიებაზე, რომელიც წელს ონლაინ ფორმატში გაიმართა, 100 -ზე მეტი ქვეყნის 2000-ზე მეტი წარმომადგენელი ესწრებოდა. საქართველოდან კონგრესში ტურიზმის ეროვნული ადმინისტრაციის საკონვენციო და საგამოფენო ბიურო იყო წარმოდგენილი.

ღონისძიების ფარგლებში საკონვენციო და საგამოფენო ბიუროს წარმომადგენლებმა საერთაშორისო ორგანიზაციების ექსპერტებთან მოლაპარაკებები გამართეს. საუბარი შეეხო პოსტპანდემიურ პერიოდში საქმიანი ტურიზმის მიმართულებით გეგმების შემუშავებას და დარგის კრიზისული სიტუაციიდან გამოყვანას.

მათივე ინფორმაციით, საერთაშორისო კონგრესებისა დაკონვენციების ასოციაცია „ICCA“ შეხვედრების ინდუსტრიის მიმართულებით მსოფლიოში წამყვანი ორგანიზაციაა და საქართველო ყოველწლიურ კონგრესზე მესამედ არის წარმოდგენილი.

შეგახსენებთ, საქართველოში საქმიანი ტურიზმისგანვითარების მიზნით, ტურიზმის ეროვნული ადმინისტრაციის ბაზაზე საკონვენციო და საგამოფენო ბიურო 2016 წელს შეიქმნა. ბიუროს მიზანია, საქართველოში სხვადასხვა შეხვედრების, წამახალისებელი ტურების, კონფერენციების, გამოფენებისა და მსგავსი საერთაშორისო ღონისძიების მოზიდვა და ხელშეწყობა, ასევე საზღვარგარეთ საქართველოს საქმიანი ტურიზმის შესაძლებლობების შესახებ ინფორმაციის გავრცელება.

საკონვენციო და საგამოფენო ბიუროს 63 წევრი ორგანიზაცია ჰყავს, რომლებიც საქართველოში ყველაზე მასშტაბურ სასტუმროებს, ღონისძიებების ორგანიზატორ კომპანიებს და ტურისტულ კომპანიების აერთიანებს.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
შვეიცარული პრემიუმ ბრენდი HORMETA უკვე ხელმისაწვდომია საქართველოში, ექსკლუზიურად PSP-ში
ვაშლის და საზამთრო-ნესვის არომატი – "სნო" ზაფხულს წყლის ახალი არომატებით იწყებს (R)
მოგზაურობა ძველ თბილისში და კულინარიული სამოთხე გურმანებისთვის - თბილისში უნიკალური სივრცე „ბაზარი“ გაიხსნა
ბინა განვადებით ლარში - „თეთრი კვადრატის“ ექსკლუზიური შეთავაზება უძრავი ქონების ბაზარზე
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის