ხათუნა გოგორიშვილი - საპარლამენტო მანდატებზე უარის თქმასთან დაკავშირებით “ევროპული საქართველოს“ გადაწყეტილება არ შეიცვლება, რადგან ეს არჩევნები არ იყო

საპარლამენტო მანდატებზე უარის თქმასთან დაკავშირებით “ევროპული საქართველოს“ გადაწყეტილება არ შეიცვლება, რადგან ეს არჩევნები არ იყო, - აღნიშნული განცხადება “ევროპული საქართველოს“ წარმომადგენელმა ხათუნა გოგორიშვილმა “პალიტრანიუსის“ გადაცემა “დღის ნიუსრუმში“ გააკეთა.

“ევროპული საქართველოს“ გადაწყვეტილება არც ერთ შემთხვევაში არ შეიცვლება ერთი მარტივი მიზეზის გამო - შედეგი, რაც ახლა ცენტრალური საარჩევნო კომისიის ვებ-გვერდზე წერია, ქართველი ხალხის ნება არ არის. ეს არის “ქართული ოცნების“ ოფისში დაწერილი წინასწარი პროცენტები. შეგიძლიათ ნახოთ არქივებში, რას ლაპარაკობდა ბიძინა ივანიშვილი არჩევნებამდე რამდენიმე დღით ადრე, რას აანონსებდა სპიკერი კობახიძე არჩევნების დღესა და წინა დღეს. ეს იყო წინასწარ დაწერილი სცენარი, მაგრამ ცოტა “იაღლიში“ მოუვიდათ, რადგან 100 მანდატს ამბობდნენ და მაქსიმუმ 91 ექნებათ“, - განაცხადა ხათუნა გოგორიშვილმა.

მისივე თქმით, თუკი “ქართული ოცნება“ ბარიერგადალახული ოპოზიციური პარტიებისთვის საბიუჯეტო დაფინანსების შეწყვეტის და კანონში შესაბამისი ცვლილებების განხორციელების გადაწყვეტილებას მიიღებს ეს მათი ნამდვილი სახის გამოჩენა იქნება, პირველ რიგში, სტრატეგიული პარტნიორების წინაშე.

“მესმის, რომ მათთვის ყველაფერი ფულით იზომება. რომ არა ფული, რომ არა საკუთარი კეთილდღეობა და "ბასეინებში" ჩასხმული წყალი, ვერ წარმომიდგენია ნორმალურ ადამიანს რა საერთო შეიძლება ჰქონდეს “ქართულ ოცნებასთან“. მათ ჰგონიათ, რომ როგორც მათთვის არის ყველაზე მთავარი ფული, სხვებისთვისაც ასეა - ეს არის ჩვეულებრივი შანტაჟი იმისთვის, რომ გაგვისკდება გული, თუ დაფინანსებას არ მოგვცემენ“, - განაცხადა ხათუნა გოგორიშვილმა.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)