ოპოზიციური პარტიების ახალგაზრდული ფრთის წარმომადგენლები საბურთალოს საოლქო კომისიასთან, სადაც საჩივრების განხილვა იწყება, აქციას მართავენ.
როგორც “ევროპული საქართველოს” ახალგაზრდული ფრთის ერთ-ერთმა ლიდერმა ლაშა ელიაძემ განაცხადა, მათი მთავარი მოთხოვნაა საჩივრები სამართლიანად იქნეს განხილული.
“ჩვენი აქ მოსვლის მიზანია, რომ ყველამ კარგად ვიცით, მიმდინარეობს საჩივრების განხილვა, ცესკოს თავმჯდომარეს თამაზ ფოლადაშვილს მოწვეული ჰყავს ვითომ და არაპარტიული დამკვირვებლები სინამდვილეში ესენი არიან “ქართული ოცნების” წარმომადგენლები. ვითხოვთ, რომ სამართლიანად ჩატარდეს საჩივრების განხილვა და ხალხს დაუბრუნდეს ის ხმები, რაც თამარ ჟვანიამ მოპარა. ჩვენ არ გავჩერდებით, ყოველდღიურად გვექნება სხვადასხვა ოლქთან აქციები, ჩვენ მოვითხოვთ, რომ დააბრუნონ ცესკომ და ხელისუფლებამ მოპარული ხმები”, - განაცხადა ლაშა ელიაძემ.