ისანში, მე-5 საოლქო საარჩევნო კომისიასთან, სადაც არჩევნების შედეგების ისნის საჩივრების განხილვის პარალელურად აქცია მიმდინარეობს, დეპუტატი დავით ჭიჭინაძე მივიდა და შენობაში შესვლა მოითხოვა.
მან ადგილზე მყოფ პოლიციას განუმარტა, რომ საჩივრების განხილვაზე დასასწრებად მივიდა, რისი უფლებაც, როგორც მოქმედ დეპუტატს აქვს. ამის მიუხედავად, პოლიციამ ჭიჭინაძე შენობაში არ შეუშვა.
ჭიჭინაძის მისვლამდე კომისიის შენობაში შესვლას ითხოვდნენ ოპოზიციის სხვა წევრები, ხატია დეკანოიძე და ლანა გალდავა, თუმცა შესვლის უფლება არც მათ მიეცათ.
აქციის მიმდინარეობისას აქტივისტებმა პროტესტის ნიშნად ტომრით კარტოფილი მოიტანეს, რითაც განმარტეს, რომ ამგვარად "2020 წლის საპარლამენტო არჩევნების გაყალბებას აპროტესტებენ".