ხათუნა გოგორიშვილი - ის, რაც ხდება ახლა საოლქო კომისიებთან, თავიდან ბოლომდე თამარ ჟვანიას „დამსახურებაა“

ის, რაც ხდება ახლა საქართველოში საოლქო კომისიებთან, თავიდან ბოლომდე პირადად თამარ ჟვანიას და ცენტრალური საარჩევნო კომისიის „დამსახურებაა“,- ამის შესახებ “ევროპული საქართველოს” წევრმა, ხათუნა გოგორიშვილმა საოლქო კომისიებთან მიმდინარე მოვლენების შეფასებისას განაცხადა.

მისი თქმით, ცესკო “უსუსური მიზეზებით” აცხადებს უარს ხმების ხელახლა გადათვლაზე.

“საქმე იმაშია, რომ დღეს საღამოს საოლქო კომისიები იხილავენ პოლიტიკური პარტიებისა და არასამთავრობო ორგანიზაციების მიერ შესულ საჩივრებს. საჩივრები შესულია ძალიან ბევრ უბანთან დაკავშირებით, თბილისში მარტო 600-ზე მეტი უბნის გადათვლასა და გაბათილებაზეა მოთხოვნა. მას შემდეგ, რაც გუშინ სამგორის საარჩევნო ოლქის 97-ე უბანზე დემოკრატობანა ითამაშეს და გახსნეს შეფუთული ბიულეტენები და აღმოჩნდა, რომ ოპოზიციის ხმები ნაგავშია გადაყრილი, ცესკომ გასცა განკარგულება, რომ არსად, არცერთი უბნის გახსნა არ მოხდეს და არაფერი ხელახლა არ გადაითვალოს. ამას აკეთებენ ისეთი უსუსური მიზეზით, როგორიცაა ის, რომ საჩივარზე არ არის მითითებული კონკრეტული მისამართი, პოლიტიკური პარტიის საჩივარი არ არის ბლანკზე და ა.შ. ამას აკეთებენ იმიტომ, რომ ზუსტად იციან, ყუთებში სხვა შედეგია და ოქმებში სხვა”,- განაცხადა გოგორიშვილმა.

შეგახსენებთ, რომ თბილისსა და რეგიონებში საოლქო საარჩევნო კომისიებთან, სადაც საჩივრების განხილვა მიმდინარეობს, საპროტესტო აქციები იმართება. აქციებზე ხმაური და დაპირისპირებაა. აქციები ისანში, გლდანში, საბურთალოზე, ბათუმში, ბოლნისსა და წყალტუბოში მიმდინარეობს. საოლქო საარჩევნო კომისიებთან სამართალდამცველები არიან მობილიზებული.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი