ისანში, მე-5 საოლქო საარჩევნო კომისიასთან ახალგაზრდა მამაკაცი შეუძლოდ გახდა. როგორც "ნაციონალური მოძრაობის" წევრმა ხატია დეკანოიძემ ჟურნალისტებს განუცხადა, ახალგაზრდას კომისიის შენობაში "დაცვის პოლიციელმა წიხლი ჩაარტყა ".
კომისიის შენობაში საჩივრების განხილვა მიმდინარეობს.
ადგილზე მობილიზებულია პოლიცია.
ისნის მე-5 საოლქო საარჩევნო კომისიის შენობის შესასვლელთან აქტივისტებმა კარტოფილით წარწერა " ამ სისტემის დედაც" გააკეთეს, საღებავით კი დაწერეს: "მონებო". კომისიის შენობასთან აქციას "ლელოს", "სტრატეგია აღმაშენებლის" აქტივისტები და ოპოზიციის წევრები მართავენ. მათ მოძრაობა "შეცვალეც" შეუერთდა. პარალელურად კომისიის შენობაში არჩევნების შედეგებთან დაკავშირებული საჩივრების განხილვა მიმდინარეობს. აქციის მიმდინარეობისას აქტივისტებმა შენობის ტერიტორიაზე ტომრით კარტოფილი მიიტანეს, რითაც მათივე თქმით, გამოხატავენ პროტესტს იმაზე, რომ 2020 წლის საპარლამენტო არჩევნებზე ხელისუფლებამ ხალხი მოისყიდა.