ირმა ნადირაშვილი - დავინახე, როგორ ახოხიალეს მიწაზე აქტივისტები და შემდეგ მანქანებში ჩატენეს

"ევროპული საქართველოს" წევრის, ირმა ნადირაშვილის განცხადებით, პოლიციის პოლიტიკურ იარაღად გამოყენება ხდება. ამის შესახებ ნადირაშვილმა ჟურნალისტებს ისნის მეხუთე საოლქო კომისიის შენობასთან განუცხადა, სადაც ამ წუთებში ოპიზიციის წევრები და პოლიტიკური პარტიების აქტივისტები აქციას მართავენ.

ისინი საოლქო კომისიაში შესვლას და საჩივრების განხილვის პროცესზე დასწრებას ითხოვენ, რისი უფლებაც მათ პოლიციამ არ მისცა.

აღნიშნულ ფაქტს დაპირისპირება რამდენჯერმე მოჰყვა პოლიციასა და აქტივისტებს შორის. ირმა ნადირაშვილის თქმით, მან თვითონ დაინახა, "როგორ ახოხიალეს მიწაზე აქტივისტები და შემდეგ მანქანებში ჩატენეს".

ნადირაშვილის თქმით, მას არ აქვს ინფორმაცია იმის თაობაზე, თუ სად გადაიყვანა პოლიციამ ისანში მიმდინარე აქციაზე დაკავებულები.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს