„ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წარმომადგენლები თამარ კორძაია, ზურაბ ხარატიშვილი და თინა ბოკუჩავა სახალხო დამცველ ნინო ლომჯარიას, საერთაშორისო გამჭვირვალობა - საქართველოს (TI) აღმასრულებელ დირექტორ ეკა გიგაურს, სამართლიანი და დემოკრატიის საერთაშორისო საზოგადოების აღმასრულებელ დირექტორ (ISFED) ელენე ნიჟარაძესა და საქართველოს ახალგაზრდა იურისტთა ასოციაციის თავმჯდომარე (საია) სულხან სალაძეს შეხვდნენ. ამის შესახებ ინფორმაციას „ნაციონალური მოძრაობა“ ავრცელებს.

მათივე ცნობით, ოპოზიციის წევრებმა არასამთავრობო სადამკვირვებლო ორგანიზაციებთან და სახალხო დამცველთან 2020 წლის 31 ოქტომბრის საპარლამენტო არჩევნებში გამოვლენილი მასობრივი დარღვევები განიხილეს, რამაც განაპირობა ოპოზიციის ერთობლივი შეფასება არჩევნების ლეგიტიმაციის არ ცნობასთან დაკავშირებით.

ასევე, ოპოზიციის წარმომადგენლებმა განიხილეს სამომავლო ნაბიჯები.