ჯო ბაიდენი აცხადებს, რომ მისი გაპრეზიდენტების შემთხვევაში შეერთებული შტატები პარიზის კლიმატის შეთანხმებას დაუბრუნდება, რომელიც ვაშინგტონმა გუშინ ოფიციალურად დატოვა.
„ტრამპის ადმინისტრაციამ პარიზის კლიმატის შეთანხმება ოფიციალურად დატოვა და ზუსტად 77 დღეში, ბაიდენის ადმინისტრაცია მას დაუბრუნდება“, - წერს ჯო ბაიდენი სოციალურ ქსელ „ტვიტერში“.
შეგახსენებთ, რომ პრეზიდენტ ტრამპის ადმინისტრაციამ გაერთიანებული ერების ორგანიზაციას პარიზის კლიმატის შეთანხმების დატოვების გადაწვყვეტილების შესახებ ოფიციალური შეტყობინება 2019 წლის 4 ნოემბერს გაუგზავნა, შეთანხმება კი ოფიციალურად ერთი წლის თავზე, გუშინ დატოვა. მედიის ინფორმაციით, არჩევნებში გამარჯვების შემთხვევაში ჯო ბაიდენის ფიცის დადების ცერემონია 20 იანვარს გაიმართება.