ოპოზიციური პარტიების წარმომადგენლები და მათი მხარდამჭერები ბუკიას ბაღიდან სამედიცინო უნივერსიტეტის მიმართულებით მსვლელობას მართავენ და ფლაერებს არიგებენ.
როგორც „ევროპული საქართველოს“ წევრმა ლევან თარხნიშვილმა განმარტა, ისინი მოსახლეობას არჩევნების გაყალებების დამადასტურებელი ოქმების ასლებს ურიგებენ და 8 ნოემბერს დანიშნულ საპროტესტო აქციაზე იწვევენ. ლევან თარხნიშვილის განცხადებით, „ქართულ ოცნებას“ მხოლოდ ერთი არჩევანი აქვს, რომ რიგგარეშე საპარლამენტო არჩევნები დანიშნოს.
„დღეს მთლიანად ოპოზიციური სპექტრი მორიგ ჯერზე ვარიგებთ, ერთი მხრივ, იმის დამადასტურებელ საბუთებსა და ოქმებს თუ როგორ გაყალბდა არჩევნები და მეორე მხრივ, ვეპატიჟებით ყველას 8 ნოემბერს დანიშნულ ღონისძიებაზე, სადაც კიდევ ერთხელ გავაპროტესტებსთ არჩევნების გაყალბებას. ჩვენ ყველამ ერთად უკვე განვაცხადეთ, რომ ერთი მხრივ, არ ვაღიარებთ ამ არჩევნების შედეგებს, მეორე მხრივ, არ შევდივართ პარლამენტში და არ ვმონაწილეობთ მეორე ტურში. ერთადერთი, რაც შეიძლება, გააკეთოს „ქართულმა ოცნებამ“- დანიშნოს ახალი არჩევნები“, -განაცხადა ლევან თარხნიშვილმა.