„ქართული ოცნების" გენერალური მდივნის, კახა კალაძის განცხადებით, ის ოპოზიციური პარტიების პარლამენტში შესვლას მიესალმებოდა. როგორც მან დღევანდელ ბრიფინგზე განაცხადა, ოპოზიციას შეუძლია კრიტიკულიც იყოს.

„მივესალმებოდი იმას, რომ ოპოზიციური პარტიები შემოსულიყვნენ პარლამენტში იმიტომ, რომ ჩვენი ქვეყნის მოსახლეობის იმ გარკვეულმა ნაწილმა ზუსტად იმიტომ დაუჭირა ამ პოლიტიკურ პარტიებს, პოლიტიკოსებს მხარი და გამოუცხადა მხარდაჭერა, რომ ისინი შევიდნენ პარლამენტში და გამოიყენონ პარლამენტის ტრიბუნა, ისაუბრონ და გააკეთონ ის, რაც დღეს ქვეყანას სჭირდება ხელისუფლებასთან ერთად. რა თქმა უნდა, კრიტიკულებიც შეუძლიათ იყვნენ. კიდევ ერთხელ ვიმეორებ, მე, როგორც ამ ქვეყნის მოქალაქეს გამიხარდებოდა მათი შემოსვლა პარლამენტში, დანარჩენი დაველოდოთ, თუ როგორ განვითარდება მოვლენები“,-განაცხადა კალაძემ.