დავით ბაქრაძე - „ქართული ოცნების“ ხელისუფლება კიდევ უფრო აღრმავებს კრიზისს ქვეყანაში და თვითონაც უფრო ღრმად შედის კრიზისში

„ევროპული საქართველოს“ ლიდერის, დავით ბაქრაძის განცხადებით, „ქართული ოცნების“ ხელისუფლება კიდევ უფრო ღრმა კრიზისიში შედის, რადგან ქუჩაში გამოსულ ადამიანებს, რომლებიც საკუთარ ხმას იცავენ, საპოლიციო ძალას უპირისპირებს.

ბაქრაძემ აღნიშნა, რომ პოლიციაზე, კლანსა და ფულზე დამდგარი ხელისუფლება საქართველოს ვერ ეყოლება და ამ ყველაფერ კვირას, 15:00 საათზე, ქართველი ხალხი ერთად გააპროტესტებს.

„ქართული ოცნების“ ხელისუფლება კიდევ უფრო აღრმავებს კრიზისს ქვეყანაში და თვითონაც უფრო ღრმად შედის კრიზისში იმით, რომ ქუჩაში სიმართლისა და დემოკრატიის დასაცავად გამოსულ ადამიანებს, რომლებიც საკუთარი და საზოგადოების ხმების დაცვას ითხოვენ, უპირისპირებს საპოლიციო ძალას და უპირისპირებს მოსამართლეების კლანს.

ამიტომ, ასეთი ხელისუფლება კიდევ უფრო ღრმა კრიზისიში შეიყვანს ქვეყანას, ესაა გარდაუვალი და თითოეული ჩვენგანის ვალდებულებაა, ვისაც გვინდა ამ ქვეყანაში სიმშვიდე და ნორმალური მომავალი, გამოვიდეთ და ყველამ ერთად ვუთხრათ არა ამ ხელისუფლებას.

ამიტომ, ვერანაირი დაჭერებით გაყალბებული არჩევნების გამართლება ვერ მოხდება, საზოგადოების ხმა აუცილებლად უნდა გაიგონოს ხელისუფლებამ, მას სხვა გზა არ აქვს და ამ მიზნით კვირას, 3 საათზე ყველა უნდა შევიკრიბოთ და ვაჩვენოთ ხელისუფლებას, რომ ძალაზე, პოლიციაზე, კლანზე, ფულზე დამდგარი მთავრობა ამ ქვეყანას ვერ ეყოლება, ქართველებს უნდათ სიმართლე, ქართველებს უნდათ თავისუფალი არჩევანი და თავისუფალი ქვეყანა და ეს ჩვენი თავისუფლება ყველამ ერთად მშვიდობიანად უნდა დავიცვათ კვირას, 3 საათზე, დიდ საერთო სახალხო აქციაზე,“ - განაცხადა ბაქრაძემ.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 24.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
„მაკდონალდსის“ ინვესტიციით საქართველოში პურ-ფუნთუშეულის საწარმო „ბრედფილდი“ იხსნება
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა