ნორვეგიაში კორონავირუსთან დაკავშირებით ახალი შეზღუდვები წესდება

ნორვეგიაში კორონავირუსთან დაკავშირებით ახალი შეზღუდვები წესდება, - ამის შესახებ ქვეყნის პრემიერ-მინისტრმა ერნა სოლბერგმა განაცხადა.

მან მოქალაქეებს მოუწოდა, თავი აარიდონ სახლებიდან გასვლას და სოციალური კონტაქტები მაქსიმალურად შეზღუდონ.

”დრო არ გვაქვს დაველოდოთ და ვნახოთ, საკმარისია თუ არა ზომები, რომელიც გასულ კვირას შემოვიღეთ. ჩვენ ახლა უნდა ვიმოქმედოთ, რომ თავიდან ავიცილოთ ლოქდაუნი”, - განაცხადა ერნა სოლბერგმა.

ახალი შეზღუდვების თანახმად, მოქალაქეებს შინ დარჩენის რეკომენდაცია ეძლევათ, იკრძალება საზოგადოებრივ ადგილებში გამართულ კერძო ღონისძიებებზე 20-ზე მეტი ადამიანის შეკრება. ნორვეგიელებს ასევე მოუწოდებენ, უარი თქვან არააუცილებელ საერთაშორისო მოგზაურობაზე. ამასთან, შუაღამის შემდეგ ალკოჰოლის გაყიდვა იკრძალება, ე.წ. „წითელი ზონის“ ქვეყნებიდან ჩასული მოქალაქეებისთვის კოვიდ 19-ის ტესტზე უარყოფითი პასუხის დამადასტურებელი დოკუმენტის წარდგენა სავალდებულო ხდება, ნორვეგიაში ჩასული ის მოქალაქეები კი, რომლებსაც ქვეყანაში მუდმივი მისამართი არ გააჩნიათ, ან იქ დასაქმებასთან დაკავშირებული მიზეზით არ ჩადიან, ე.წ. „კოვიდ სასტუმროებში“ 10-დღიან კარანტინს გაივლიან და კორონავირუსზე ტესტს ჩაიტარებენ.

გავრცელებული ინფორმაციით, ქვეყნის მთავრობა ახალი შეზღუდვებს შობის დღესასწაულამდე გადახედავს.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
კოვიდ-19 პანდემიის ფონზე თანამედროვე საერთაშორისო სამოქალაქო ავიაციის სამართლებრივი პრობლემები და პერსპექტივები
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან
კრედო ბანკმა ევროპის განვითარების წამყვანი ფინანსური ინსტიტუტის - PROPARCO-სგან 5 მილიონი დოლარის ფინანსური რესურსი მოიზიდა
ლიბერთის აქცია #გულით პედაგოგებისთვის გრძელდება
„ვისოლის“ თვითმომსახურების სადგურზე „სმარტის“ სუპერმარკეტი და „დანკინის” ევროპაში პირველი Drive-Thru რესტორანი გაიხსნა
ათეა გენდერული ძალადობის წინააღმდეგ 16-დღიან გლობალურ კამპანიას უერთდება