სხვადასხვა სამუშაოების გამო, 7 ნოემბერს ელექტრომომარაგება დროებით შეიზღუდება. ამის შესახებ „ინტერპრესნიუსს“ კომპანია „თელასიდან“ აცნობეს.
„მთაწმინდის რაიონში გადაუდებელი სამუშაოების გამო, 11:00 საათიდან 18:00 საათამდე შეზღუდვა შეეხება: სოფელ წავკისის მოსახლეობას.
დიდუბის რაიონში მომხმარებლის განცხადების საფუძველზე, 7 ნოემბრის 17 საათიდან 8 ნოემბრის 22 საათამდე, ელექტროენერგია დროებით შეეზღუდება აგლაძის ქუჩის №37-ის აბონენტებს“,-აღნიშნულია „თელასის“ მიერ გავრცელებულ ინფორმაციაში.
კომპანია ბოდიშს უხდის მომხმარებლებს შექმნილი დისკომფორტის გამო და განმარტავს, რომ სამუშაოების დასრულების შემდეგ აბონენტებს ელექტრომომარაგება აღუდგება.