შვედეთში, ბოლო 24 საათის განმავლობაში კორონავირუსის 4 034 ახალი შემთხვევა დადასტურდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას Reuters-ი ავრცელებს.

ამასთან, ვირუსს ქვეყანაში კიდევ 5 ადამიანის სიცოცხლე ემსხვერპლა და დაღუპულთა საერთო რაოდენობა 6 002-მდე გაიზარდა.

რაც შეეხება ინფიცირებულების რაოდენობას, შვედეთში, პანდემიის დაწყების დროიდან, კოვიდ 19-ის 141 000-ზე მეტი შემთხვევაა დადასტურებული.