სამგორის რაიონის მეექვსე საოლქო საარჩევნო კომისიასთან, სადაც კომისიის სხდომა და საჩივრების განხილვა მიმდინარეობს, “ნაციონალური მოძრაობის” წევრი ლევან ხაბეიშვილი მივიდა.
ხაბეიშვილს კომისიის სხდომაზე შესვლა სურს, თუმცა შენობასთან მობილიზებულები არიან სამართალდამცველები, რომლებიც ამის უფლებას არ აძლევენ.
როგორც ლევან ხაბეიშვილი აცხადებს, კომისიის წევრები არა ოპოზიციის, არამედ არასამთავრობო ორგანიზაციების საჩივრებსაც კი არ განიხილავენ.
“50 პოლიციელია მობილიზებული და მე ერთი ადამიანი ვარ მოსული. ქაჯეთის ციხეა. ერთი ხაბეიშვილისგან უნდა დაიცვან თავი. ქურდები და გამყალბებლები არიან. სამწუხაროა, რომ თითოეული ეს პოლიციელი კანონს არღვევს. ვისგან იცავენ შენობას, ვინმე აქციას ატარებს? რამე უკანონოს ვითხოვ?”,- განაცხადა ხაბეიშვილმა.