სამგორის #6 საოლქო საარჩევნო კომისიასთან ოპოზიციის აქტივისტები არიან შეკრებილები.
ისინი არჩევნების შედეგებს აპროტესტებენ და მიიჩნევენ, რომ "ქართულმა ოცნებამ" არჩევნები გააყალბა.
ადგილზე სამართალდამცავები არიან მობილიზებული.
როგორც აქციის მონაწილეები აღნიშნავენ, ბიძინა ივანიშვილმა და ცესკო-ს თავმჯდომარემ, თამარ ჟვანიამ მათ თავისუფალი არჩევანის უფლება წაართვა.
ერთ-ერთმა აქტივისტმა შენობის შესასვლელთან ბიძინა ივანიშვილის გამოსახულებით სტიკერები გააკრა.