ესტონეთის საგარეო საქმეთა მინისტრი, ურმას რეინსალუ საქართველოს საპარალამენტო არჩევნებს "ტვიტერზე" ეხმაურება.
ურმას რეინსალუს განცხადებით, მთლიანობაში დაცული იყო ფუნდამენტური უფლებები, თუმცა, საჭიროა ძალისხმევა ხარვეზების აღმოსაფხვრელად.
"ვუერთდებით ეუთო/ოდირის (OSCE/ODIHR) შეფასებას საქართველოში ჩატარებულ საპარლამენტო არჩევნებთან დაკავშირებით, რომელიც გაიმართა საარჩევნო სისტემაში შეტანილი ცვლილებების შესაბამისად. მთლიანობაში, დაცული იყო ფუნდამენტური თავისუფლებები. საჭიროა შემდგომი ძალისხმევა ხარვეზების აღმოსაფხვრელად, განსაკუთრებით 21 ნოემბერს დანიშნული მეორე რაუნდის გათვალისწინებით", - წერს საკუთარ "ტვიტერის" გვერდზე ესტონეთის საგარეო საქმეთა მინისტრი.
ესტონეთის საგარეო საქმეთა მინისტრის აღნიშნულ განცხადებას საქართველოს საგარეო საქმეთა სამინისტროს პრესსამსახური ავრცელებს.