დავით მათიკაშვილი ოპოზიციაზე - ტემპერატურის აწევის გარდა სხვა რესურსი არ გააჩნიათ

გონივრული რაოდენობის საჩივრების დაკმაყოფილების შემთხვევაშიც კი, საუბარია სულ 1-2 პროცენტზე, რომელიც არსებითად ვერ მოახდენს არჩევნების შედეგებზე ზეგავლენას ,- ამის შესახებ საპარლამენტო უმრავლესობის წევრმა დავით მათიკაშვილმა ჟურნალისტებთან განაცხადა.

მისი თქმით, რეალურად ოპოზიციას არ აქვს არავითარი რესურსი ტემპერატურის აწევის გარდა და რჩება შთაბეჭდილება, რომ თითქოს „ნაციონალური მოძრაობა“ კოვიდის მხარეს დგას.

მათიკაშვილის თქმით, იმ პირობებში, როცა არის პანდემიის აფეთქება, "ნაციონალური მოძრაობა" წირავს თავის ამომრჩეველს და „ეს უნდა იცოდეს საზოგადოებამ თუ როგორ ეპყრობა "ნაციონალური მოძრაობა" და მისი ბელადი საკუთარ ამომრჩეველს.“

„ოპოზიცის დესტრუქციული ქმედებების შესახებ არჩევნებამდე ბევრად ადრე ვეუბნეოდით საზოგადოებას, რადგან ნათელი იყო, რომ ასეთ ნაბიჯებს ოპოზიცია აუცილებლად გადადგამდა იმ რეიტინგიდან გამომდინარე, რაც მათ მანამდეც გააჩნდათ, რაც თავისივე ეგზიტპოლებმა აჩვენეს. სიტუაციის დაწევის და ტემპერატურის აწევის გარდა მათ სხვა რესურსი არ გააჩნიათ და ამას აქვს ძალიან მარტივი ახსნა. ყველამ იცის ძალიან კარგად, რომ შესვლა სხდომაზე, სადაც ხორციელდება შესაბამისი პროცედურა, არის ძალიან მკაცრად რეგლამენტირებული, პირდაპირ წერია კანონმდებლობაში, რომ მხოლოდ პარტიის წარმომადგენლები იმ რაოდენობით, რაც წერია, ასევე არასამთავრობო ორგანიზაციებს და ყველა იმ პირს, რომელსაც კანონმდებლობა მოიცავს, აქვთ სრული უფლება შევიდნენ და დაესწრონ ამ სხდომებს. ეს ხალხი, პარტიების წარმომადგენლები იქ იყვნენ და ადამიანები რომლებიც ფიზიკურად ძალადობდნენ პოლიციაზე, იყვნენ იქ, იდგნენ იმისთვის, რომ იცოდნენ რომ არავინ შეუშვებდა რადგან არაუფლებამოსილი პირები იყვნენ. ისინი ცდილობენ არაფრიდან შექმნან პრობლემა“, - განაცხადა მათიკაშვილმა.

მან არასამთავრობო ორგანიზაციებსაც მოუწოდა, რომ საზოგადოება შეცდომაში არ შეიყვანოს.

„საია-ს ედო ჩასწორებული ოქმები თავიდან რომ გაეცნობი, გგონია, რომ ეს ძალაშია, სინამდილეში უკვე გამასწორებელი ოქმი გაკეთებულია და ის ბალანსია დაჯენილი, რაც რეალობას შეესაბამება. საზოგადოება არ უნდა შევიყვანოთ შეცდომაში“, - განაცხადა მათიკაშვილმა.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!