საფრანგეთში, ბოლო 24 საათში კორონავირუსის 58 046 ახალი შემთხვევა გამოვლინდა, რაც რეკორდულად მაღალი დღიური მაჩვენებელია ქვეყნისთვის, - ამის შესახებ ინფორმაციას Reuters-ი საფრანგეთის საზოგადოებრივი ჯანდაცვის დირექტორზე დაყრდნობით ავრცელებს.
ამასთან, ვირუსს საფრანგეთში კიდევ 363 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 39 037-ს მიაღწია.
აღსანიშნავია, რომ პანდემიის დაწყების პერიოდიდან საფრანგეთში, საერთო ჯამში, კოვიდ 19-ით ინფიცირების 1 601 367 შემთხვევაა დადასტურებული. კოვიდინფიცირებულთა რაოდენობით ქვეყანა მეხუთე ადგილზეა მსოფლიოში აშშ-ის, ინდოეთის, ბრაზილიისა და რუსეთის შემდეგ.