ცენტრალური ამერიკის ქვეყნებში ქარიშხალ „ეტას“ მსხვერპლი 70-მდე გაიზარდა

ცენტრალური ამერიკის ქვეყნებში ქარიშხალ „ეტას“ შედეგად დაღუპულთა რაოდენობა 70-მდე გაიზარდა, - ამის შესახებ ინფორმაციას Reuters-ი ავრცელებს.

სააგენტოს ცნობით, ყველაზე მეტი დაღუპული გვატემალაშია, სადაც სტიქიას 50-ზე მეტი ადამიანი ემსხვერპლა.

ქვეყნის პრეზიდენტის ალეხანდრო ჯამატეის განცხადებით, ქალაქ სან-კრისტობალ ვერაპაზის მიდამოებში ქარიშხლისგან გამოწვეულმა ღვარცოფმა 25-მდე სახლი „ჩაყლაპა“.

მძიმე მდგომარეობაა მეზობელ ჰონდურასშიც. სოციალურ ქსელსა და მედიაში ვრცელდება კადრები, სადაც ჩანს, როგორ დადიან ადამიანები ჰონდურასის დატბორილ ქუჩებში. გავრცელებული ინფორმაციით, სტიქიას ქვეყანაში სულ მცირე 7 ადამიანი ემსხვერპლა.

ამასთან, მედიის ინფორმაციით, ქარიშხალს ნიკარაგუაში 2 მოზარდი შეეწირა.

ცენტრალური ამერიკის ქვეყნებს ქარიშხალი „ეტა“ 2 დღის წინ დაატყდა თავს. მეტეოროლოგების ცნობით, „ეტა“ ამერიკის კონტინენტზე 2020 წლის ყველაზე ძლიერი ქარიშხალია და სიძლიერით მე-4 კატეგორიას მიეკუთვნება.

ვიქტორ ყიფიანი - მოსკოვს ჰიბრიდულ-რევიზიონისტული საგარეო კურსის შესანარჩუნებლად სჭირდება ჟენევის მსგავსი ფორმატები, ძველი ან ახალი „წითელი ხაზების“ მონიშვნით საკუთარი და სხვისი ძალების მოსინჯვა
ქართული პრესის მიმოხილვა 17.06.2021
ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის