აშშ-ში, ბოლო 24 საათში კორონავირუსის 121 054 ახალი შემთხვევა გამოვლინდა, რაც რეკორდულად მაღალი მაჩვენებელია პანდემიის დაწყების დროიდან, - შესაბამის მონაცემებს ჯონს ჰოპკინსის უნივერსიტეტი ავრცელებს. ამავე მონაცემების თანახმად, ვირუსს ქვეყანაში კიდევ 1 187 ადამიანის სიცოცხლე ემსხვერპლა.

ცნობისათვის, პანდემიის დაწყების დროიდან აშშ-ში, საერთო ჯამში, კოვიდ 19-ის 9.6 მილიონზე მეტი შემთხვევაა დადასტურებული, აქედან 234 000-ზე მეტი პაციენტი გარდაიცვალა.