„ნაციონალური მოძრაობის” მხარდამჭერები ცესკო-ს შენობის მიმდებარე ტერიტორიიდან ავტოკოლონებით თბილისის მერიისკენ მიემართებიან
„ნაციონალური მოძრაობის” მხარდამჭერები ცენტრალური საარჩევნო კომისიის შენობის მიმდებარე ტერიტორიიდან ავტოკოლონებით თბილისის მერიისკენ მიემართებიან.
მსვლელობის მონაწილეები ცესკო-ს შენობასთან რამდენიმე წუთის განმავლობაში გაჩერდნენ. როგორც აქციის მონაწილეებმა განაცხადეს, საყვირებით მათ თავიანთი პროტესტი დააფიქსირეს არჩევნების შედეგებთან დაკავშირებით.
როგორც პარტიის მხარდამჭერები აცხადებენ, 31 ოქტომბრის არჩევნებით ქართველი ხალხის ნება არ შესრულდა და ისინი პროსტესტს გააგრძელებენ, ვიდრე მათი მოთხოვნები არ დაკმაყოფილდება.
ცნობისთვის, „ნაციონალური მოძრაობის” წევრები საავტომობილო მსვლელობას ოთხ ლოკაციაზე მართავენ.
